تشکر نیوز: ڈسٹرکٹ ساؤتھ میں اے ڈی آصف شیخ کی قیادت میں غیر قانونی تعمیرات کے خلاف بھرپور کارروائی عمل میں لائی گئی، جس کے دوران متعدد غیر قانونی عمارتوں کو مسمار کر دیا گیا۔ کارروائی ڈائریکٹر جنرل سندھ بلڈنگ کنٹرول اتھارٹی (ایس بی سی اے) اسحاق کھوڑو کے احکامات پر کی گئی۔
تھانہ تیموریہ کی حدود میں پولیس اور اسٹریٹ کرمنلز کے درمیان مقابلہ، ایک زخمی، دوسرا گرفتار
تفصیلات کے مطابق پلاٹ نمبر 4، 5، 8 اور 15 این پی 6، پلاٹ نمبر 56 این پی 6 اور پلاٹ نمبر 15 جی کے 07 ساؤتھ صدر 1 میں قائم غیر قانونی تعمیرات کو مسمار کیا گیا۔
اے ڈی آصف شیخ ماضی میں ڈسٹرکٹ ایسٹ، ویسٹ اور سینٹرل میں بھی تعینات رہ چکے ہیں اور غیر قانونی تعمیرات کے خلاف مؤثر کارروائیوں کے لیے مشہور ہیں۔ انہوں نے اس موقع پر کہا کہ ڈائریکٹر جنرل اسحاق کھوڑو کی ہدایات پر مکمل عمل درآمد کرتے ہوئے بھرپور کارروائی کی گئی ہے اور مستقبل میں بھی غیر قانونی تعمیرات کے خلاف سخت اقدامات کیے جائیں گے۔
انہوں نے مزید کہا کہ غیر قانونی تعمیرات کو اب کسی صورت برداشت نہیں کیا جائے گا، اور بلڈنگ کنٹرول قوانین کی خلاف ورزی کرنے والوں کے خلاف سخت کارروائی جاری رہے گی۔
