ایس ایس یو SWAT ٹیم نے دبئی، متحدہ عرب امارات میں جاری یو اے ای SWAT چیلنج 2025 میں شاندار کارکردگی کا مظاہرہ کرتے ہوئے دنیا بھر کی ٹیموں کے درمیان اپنی صلاحیتوں کا لوہا منوایا ہے۔ چیلنج کے پانچویں روز منعقدہ OBSTACLE ایونٹ میں ایس ایس یو SWAT ٹیم نے پہلی پوزیشن حاصل کر لی، جو پاکستان کے لیے ایک بڑا اعزاز ہے۔
یو اے ای SWAT چیلنج الروایہ رینج دبئی میں جاری ہے، جس میں دنیا بھر سے 120 سے زائد ٹیمیں حصہ لے رہی ہیں۔ یہ ایونٹ مختلف مہارتوں اور جسمانی استعداد کے امتحانات پر مشتمل ہوتا ہے، جہاں ٹیموں کو سخت مقابلے کا سامنا کرنا پڑتا ہے۔
ایس ایس یو SWAT ٹیم کی شاندار کارکردگی نے پاکستان کا نام بین الاقوامی سطح پر روشن کیا ہے۔ اس کامیابی پر نہ صرف ٹیم کے اراکین بلکہ ملک بھر میں خوشی اور فخر کا اظہار کیا جا رہا ہے۔
