کراچی ڈسٹرکٹ ویسٹ پولیس نے انسداد پولیو مہم کے دوران پولیو ٹیموں کی سیکیورٹی کے لیے فول پروف انتظامات کیے ہیں۔ ایس ایس پی ویسٹ طارق الٰہی مستوئی نے صبح سویرے ڈسٹرکٹ کے مختلف علاقوں اور یوسی آفس کا دورہ کرکے سیکیورٹی انتظامات کا تفصیلی جائزہ لیا اور ڈیوٹی پر معمور پولیس افسران، جوانوں اور پولیو ورکرز کو سیکیورٹی سے متعلق ضروری ہدایات اور بریفنگ دی۔
سعید غنی کا لیاری میں سیوریج نظام اور کیمیکل فیکٹریوں کے خلاف کارروائی کا اعلان
ایس ایس پی ویسٹ نے اس بات کو یقینی بنایا کہ پولیو ٹیموں کو مکمل تحفظ فراہم کیا جائے اور مہم کے دوران کسی بھی قسم کی پریشانی سے بچا جا سکے۔ ڈسٹرکٹ ویسٹ پولیس نے تمام دستیاب وسائل بروئے کار لاتے ہوئے سیکیورٹی اقدامات کو مزید مؤثر بنایا ہے۔
پولیو مہم کی سیکیورٹی کے لیے 1000 سے زائد پولیس افسران، جوان اور لیڈیز پولیس اہلکاروں کو تعینات کیا گیا ہے تاکہ پولیو ٹیموں کی حفاظت کو یقینی بنایا جا سکے۔ عوام الناس سے اپیل کی گئی ہے کہ وہ پولیو ٹیموں اور پولیس اہلکاروں کے ساتھ مکمل تعاون کریں تاکہ پولیو جیسی مہلک بیماری کے خاتمے کے قومی مشن میں اپنا کردار ادا کر سکیں۔
