پاکستان کوسٹ گارڈز نے بلوچستان کے علاقے گڈانی اور سپر ہائی وے روڈ چیک پوسٹ پر دو الگ الگ کارروائیوں کے دوران بھاری مقدار میں اعلیٰ کوالٹی کی غیر ملکی شراب برآمد کرلی۔
صوبائی وزیر ثقافت سید ذوالفقار علی شاہ کا دفتری امور کا اچانک جائزہ، افسران کی غیر حاضری پر برہمی
انٹیلیجنس ذرائع کی بنیاد پر کی جانے والی پہلی کارروائی میں گڈانی کے نزدیک سمندر کے راستے اسمگل کی جانے والی 1973 بوتلیں غیر ملکی شراب پکڑی گئیں، جبکہ دوسری کارروائی سپر ہائی وے چیک پوسٹ پر کی گئی، جہاں مسافر کوچ سے 102 بوتلیں غیر قانونی طور پر اندرون ملک اسمگل کی جا رہی تھیں۔
پکڑی جانے والی شراب کی عالمی مارکیٹ میں مالیت 63 ہزار امریکی ڈالر کے قریب بتائی جا رہی ہے۔ شراب کو قبضے میں لے کر قانونی کارروائی کا آغاز کردیا گیا ہے۔
ڈائریکٹر جنرل پاکستان کوسٹ گارڈز نے کامیاب کارروائیوں پر افسران اور جوانوں کی کارکردگی کو سراہتے ہوئے کہا کہ اسمگلنگ کے خلاف یہ عزم آئندہ بھی جاری رہے گا۔
