پاکستان کی سیکیورٹی فورسز نے بلوچستان کے ضلع قلعہ عبداللہ کے علاقے گلستان میں دہشت گردوں کے حملے کی کوشش کو ناکام بنا دیا۔ آئی ایس پی آر کے مطابق، 27 اور 28 جنوری کی درمیانی رات دہشت گردوں نے سیکیورٹی فورسز کی چوکی پر حملہ کیا، جس کے دوران سیکیورٹی فورسز نے جرات اور بہادری کا مظاہرہ کرتے ہوئے حملہ پسپا کیا۔
سندھ کابینہ نے یونیورسٹیوں کے وائس چانسلرز کی تقرری کے نظام میں بہتری کی، سینئر وزیر شرجیل میمن
دہشت گردوں نے حملے کے دوران بارودی مواد سے بھری گاڑی چوکی کی بیرونی دیوار سے ٹکرا دی، جس کے بعد فائرنگ کا تبادلہ شروع ہوا۔ اس شدید مقابلے میں پانچ دہشت گرد ہلاک ہوگئے، جن میں دو خودکش حملہ آور بھی شامل تھے۔
اس حملے میں پاکستان کے دو بہادر سپوت، نائیک طاہر خان (39 سال، ضلع ٹانک) اور لانس نائیک طاہر اقبال (26 سال، ضلع کرک) نے اپنی جانوں کا نذرانہ پیش کرتے ہوئے جام شہادت نوش کیا۔ دونوں جوانوں کی قربانی کو قوم نے سراہا اور ان کی بہادری کو خراج تحسین پیش کیا۔
آئی ایس پی آر نے بتایا کہ حملے کے بعد علاقے میں کلیئرنس آپریشن جاری ہے اور دہشت گردوں کے خلاف قانونی کارروائی کی جائے گی۔ سیکیورٹی فورسز دہشت گردی کے خلاف اپنی جنگ میں پُرعزم ہیں اور ہمارے بہادر جوانوں کی قربانیاں اس جدوجہد کو مزید تقویت فراہم کرتی ہیں۔
