تشکر نیوز: بھارت کے مشہور سیاستدان، ماہر معاشیات اور سابق وزیر اعظم ڈاکٹر من موہن سنگھ دہلی کے آل انڈیا میڈیکل انسٹی ٹیوٹ (ایمس) میں علاج کے دوران انتقال کر گئے۔ مقامی میڈیا کے مطابق، طبیعت خراب ہونے پر انہیں ایمرجنسی ڈیپارٹمنٹ میں داخل کرایا گیا تھا۔
خیبرپختونخوا میں سکیورٹی فورسز کی کارروائیاں، 13 خوارج ہلاک، میجر محمد اویس شہید
ڈاکٹر من موہن سنگھ 2004 سے 2014 تک بھارت کے وزیر اعظم رہے اور ان کی قیادت میں بھارت نے اقتصادی ترقی اور خارجہ پالیسی میں اہم کامیابیاں حاصل کیں۔ وہ کانگریس پارٹی کے سینئر رہنما اور بھارت کے پہلے سکھ وزیر اعظم تھے۔
ابتدائی زندگی اور تعلیم
ڈاکٹر من موہن سنگھ 26 ستمبر 1932 کو ‘گاہ’، پنجاب (اب پاکستان کا حصہ) میں پیدا ہوئے۔ انہوں نے پنجاب یونیورسٹی سے بیچلرز اور ماسٹرز کی ڈگریاں حاصل کیں اور پھر کیمبرج یونیورسٹی سے معاشیات میں اور آکسفورڈ یونیورسٹی سے ڈی فل کی ڈگری مکمل کی۔
پیشہ ورانہ کیریئر
1991 میں بھارت کے مالیاتی بحران کے دوران وزیر خزانہ کے طور پر من موہن سنگھ نے اقتصادی اصلاحات متعارف کرائیں، جن سے بھارتی معیشت میں لبرلائزیشن کا آغاز ہوا۔
2004 میں وہ بھارت کے وزیر اعظم بنے اور دو مسلسل مدتوں تک خدمات انجام دیں۔ ان کے دور حکومت میں بھارت نے عالمی سطح پر اقتصادی اور سفارتی میدان میں مضبوط پیش رفت کی۔
ڈاکٹر من موہن سنگھ کے انتقال پر بھارت میں سیاسی اور عوامی حلقوں میں گہرے دکھ کا اظہار کیا جا رہا ہے۔