تشکر نیوز: کراچی ایئرپورٹ پر ایف آئی اے امیگریشن سرکل کے عملے نے کارروائی کرتے ہوئے 1 ایجنٹ سمیت 8 مسافروں کو دبئی کی پرواز سے آف لوڈ کر کے حراست میں لے لیا۔ وفاقی تحقیقاتی ادارے (ایف آئی اے) کے مطابق یہ کارروائی دبئی جانے والی پرواز ایف زیڈ 334 کے دوران کی گئی۔
سندھ پولیس کا ڈرائیونگ لائسنس نہ بنوانے والے ڈرائیورز کے خلاف کارروائی کا فیصلہ
حکام کے مطابق مسافر کراچی سے دبئی اور پھر آذربائیجان کے دارالحکومت باکو کے لیے سفر کر رہے تھے۔ امیگریشن پر تفتیش کے دوران مسافروں نے انکشاف کیا کہ ان کا اگلا سفر باکو سے مالٹا تک تھا۔ انفرادی تفتیش میں تمام مسافروں نے بتایا کہ انہوں نے ایجنٹ سید شبیر حسن کو فی کس 2 لاکھ روپے سے 9 لاکھ روپے تک ادا کیے، اور مزید رقم مالٹا پہنچنے پر ادا کرنی تھی۔
ایف آئی اے حکام نے ایجنٹ اور تمام گرفتار مسافروں کو آف لوڈ کر کے اینٹی ہیومن ٹریفکنگ سرکل کراچی منتقل کر دیا ہے، جہاں مزید تفتیش کی جا رہی ہے۔