اسلام آباد: اے این ایف (انسداد منشیات فورس) نے تعلیمی اداروں اور ملک کے مختلف شہروں میں منشیات اسمگلنگ کے خلاف کریک ڈاؤن جاری رکھا ہے، جس میں 10 مختلف کارروائیوں کے دوران 10 ملزمان کو گرفتار کیا گیا ہے۔ حکام کے مطابق، ان کارروائیوں میں 2 کروڑ روپے سے زائد مالیت کی 299.5 کلو گرام منشیات برآمد کی گئی۔
تعلیمی اداروں میں کارروائیاں:
- جامشورو میں دو مختلف یونیورسٹیوں کے قریب کارروائی کرتے ہوئے 2 ملزمان سے 6 کلو چرس برآمد کی گئی۔
- مسلم ٹاؤن فیصل آباد میں کالج کے قریب ایک ملزم سے 1.5 کلو چرس برآمد ہوئی۔
- اسلام آباد کی مشہور یونیورسٹی کے قریب ایک ملزم سے 180 گرام چرس برآمد کی گئی۔
گرفتار ملزمان نے تعلیمی اداروں کے طلباء کو منشیات فروخت کرنے کا اعتراف کیا ہے۔
اے این ایف کی دیگر کاروائیاں:
- پشاور انٹرنیشنل ایئرپورٹ پر شارجہ جانے والے مسافر کے پیٹ سے 120 ہیروئن بھرے کیپسولز برآمد۔
- لاہور انٹرنیشنل ایئرپورٹ پر تھائی لینڈ جانے والے مسافر کے پیٹ سے 18 چرس بھرے کیپسولز برآمد۔
- شکارپور سکھر کے قریب ٹرک کے خفیہ خانوں سے 285 کلو چرس برآمد، ایک ملزم گرفتار۔
- ہٹیاں روڈ اٹک کے قریب ملزم سے 1.2 کلو افیون اور 2.4 کلو چرس برآمد۔
- اٹک میں ایک اور کارروائی کے دوران ملزم کے قبضے سے 1.250 کلو چرس برآمد۔
- پشاور میں بس اسٹاپ کے قریب ملزم سے 1 کلو چرس برآمد۔
گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔
