تشکر نیوز: کراچی میں گھی اور تیل کی قیمتوں میں 80 سے 90 روپے فی کلو کا اضافہ کر دیا گیا ہے۔ شہر کی معروف ہول سیل مارکیٹ میں بھی گھی اور تیل کی قیمتوں میں اضافے کے باعث دکانوں پر سناٹے کا راج ہے۔
امریکی سنٹرل کمانڈ کے جریدے یونی پاتھ کی جانب سے آرمی چیف جنرل عاصم منیر کو خراج تحسین
خریداروں نے اس صورتحال پر شدید تنقید کی ہے اور کہا ہے کہ مہنگائی میں کمی سے متعلق اسٹیٹ بینک کی حالیہ رپورٹ جھوٹ کا پلندہ ہے، جس میں دعویٰ کیا گیا ہے کہ ملک میں مہنگائی کی شرح 38 فیصد سے کم ہو کر 12.6 فیصد پر آ چکی ہے۔
مزید برآں، کراچی میں گھی اور تیل کے ساتھ ساتھ آٹے کی قیمت میں بھی چند ماہ کے دوران 30 سے 40 روپے کا اضافہ ہوا ہے، جس سے شہریوں کی مشکلات میں مزید اضافہ ہو گیا ہے۔ یہ صورتحال شہریوں کی روزمرہ زندگی کو متاثر کر رہی ہے اور انہیں مہنگائی کے بوجھ تلے دبا رہی ہے۔
