اینٹی نارکوٹکس فورس (اے این ایف) کی جانب سے منشیات اسمگلنگ کے خلاف جاری کریک ڈاؤن میں 5 مختلف کارروائیوں کے دوران 7 ملزمان کو گرفتار کر لیا گیا۔ ان کارروائیوں میں مجموعی طور پر 100.164 کلوگرام منشیات برآمد کی گئی، جس کی مالیت 1 کروڑ روپے سے زائد ہے۔
ملیر جناح اسکوائر کے قریب عمارت میں آگ لگنے کا واقعہ، ریسکیو 1122 کی فوری کارروائی
تفصیلات کے مطابق، کوئٹہ کے کلی عمر روڈ پر ایک گاڑی سے 50 کلو چرس برآمد کر کے ایک ملزم کو حراست میں لیا گیا۔ اسی طرح ایم 2 لاہور پر ایک اور گاڑی سے 12 کلو افیون اور 18 کلو چرس برآمد ہوئی، جس میں 4 ملزمان کو گرفتار کیا گیا۔
اسلام آباد کے ٹی چوک پر ایک گاڑی سے 9.6 کلو چرس برآمد کی گئی، جبکہ فیض آباد کے قریب دو ملزمان سے مزید 9.6 کلو چرس برآمد ہوئی۔ علاوہ ازیں، راولپنڈی کے کوریئر آفس میں قطر بھیجے جانے والے ایک پارسل سے 964 گرام آئس برآمد کی گئی۔
تمام گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔