تشکر نیوز: صوبائی وزیر ناصر حسین شاہ نے یوم دفاع کی تقریب سے خطاب کرتے ہوئے کہا کہ آج کا دن شہداء، غازیوں اور مادر وطن کے لئے قربان ہونے والوں کی یاد کا دن ہے۔ انہوں نے کہا کہ جو ہمارے آج کے لیے اپنا کل قربان کرتے ہیں، ان کی قربانی کو سلام پیش کرتے ہیں۔
شرافی گوٹھ پولیس کی کارروائی، موٹرسائیکل لفٹرز اور اسٹریٹ کرائم میں ملوث ملزمان گرفتار
ناصر حسین شاہ نے کہا کہ اگرچہ بعض لوگ ہمیں تقسیم شدہ سمجھتے ہیں، لیکن جب ارشد ندیم جیسے کھلاڑی کامیابی حاصل کرتے ہیں تو پوری قوم متحد ہو جاتی ہے۔ انہوں نے کہا کہ پاکستان کے لئے ہم سب ایک ہیں اور ملک کی خاطر قربانی دینے کے لیے تیار ہیں۔
انہوں نے مزید کہا کہ ڈیجیٹل دہشت گردی یا منفی سوچ رکھنے والے لوگ بہت کم ہیں، اور موجودہ مسائل جیسے بجلی کے بل، مہنگائی اور بے روزگاری جلد ہی حل ہو جائیں گے۔ صوبائی وزیر نے عوام کو یقین دلایا کہ بجلی کی قیمتوں میں بھی جلد کمی لائی جائے گی، اور ہم سب مل کر مسائل کا مقابلہ کر رہے ہیں۔