تشکر نیوز: ساؤتھ زون پولیس کی لیڈی کانسٹیبل ماریہ کی ٹک ٹاک ویڈیو وائرل ہونے کے بعد ڈی آئی جی ساؤتھ سید اسد رضا نے سخت نوٹس لیتے ہوئے مذکورہ کانسٹیبل کو فوری طور پر معطل کرنے کے احکامات جاری کر دیے ہیں۔ ماریہ گزری تھانے میں تعینات تھیں، اور ان کے خلاف کارروائی کے لیے ایس ایس پی ساؤتھ سے تفصیلی رپورٹ طلب کر لی گئی ہے۔
ڈی آئی جی ساؤتھ کا کہنا ہے کہ پولیس ایک پروفیشنل ادارہ ہے، اور اس طرح کی غیرذمہ دارانہ حرکات کسی بھی صورت برداشت نہیں کی جائیں گی۔ مزید تادیبی کارروائی کی توقع کی جا رہی ہے تاکہ اس طرح کے واقعات کا دوبارہ اعادہ نہ ہو۔
