تشکر نیوز: پاک بحریہ کا تیسرا آف شور پیٹرول ویسل، پی این ایس حنین، کراچی پہنچ گیا۔ اس موقع پر پی این ڈاکیارڈ میں ایک شاندار استقبالیہ تقریب کا انعقاد کیا گیا، جس کے مہمان خصوصی کمانڈر پاکستان فلیٹ وائس ایڈمرل محمد فیصل عباسی تھے۔
کراچی میں ڈیپ ڈپریشن کے سبب تیز ہوائیں، درخت اور بجلی کا کھمبا گرنے سے سڑک بند
تقریب سے خطاب کرتے ہوئے وائس ایڈمرل فیصل عباسی نے کہا کہ پی این ایس حنین کی پاک بحریہ کے بیڑے میں شمولیت سے ملک کی سمندری سرحدوں کی حفاظت کی صلاحیت میں نمایاں اضافہ ہوگا۔ انہوں نے مزید کہا کہ ان جدید جہازوں کی شمولیت سے بحر ہند میں پاک بحریہ کے ریجنل میری ٹائم سیکیورٹی پٹرول کے اقدام کو بھی تقویت ملے گی۔
پی این ایس حنین ایک درمیانے سائز کا کثیر مقصدی پلیٹ فارم ہے جو جدید ترین الیکٹرانک وارفیئر، اینٹی شپ، اینٹی ایئر وارفیئر ہتھیاروں اور سینسرز سے لیس ہے۔ یہ جہاز اس سال جولائی میں ڈیمن شپ یارڈ، رومانیہ میں تعمیر اور کمیشن ہوا تھا۔
تقریب میں پاک بحریہ کے افسران، سی پی اوز، سیلرز، اور عملے کے ارکان کے اہل خانہ نے بڑی تعداد میں شرکت کی۔
