تشکر نیوز: ویسٹ کے تھانہ اورنگی کے علاقے سیکٹر 13 ایچ پاؤر ہاؤس کے قریب فائرنگ کے نتیجے میں ایک شہری جاں بحق اور ایک زخمی ہو گیا۔
پولیس کے مطابق، 60/65 سالہ عابد حسین ولد تاج محمد فائرنگ کے واقعے میں جاں بحق ہو گیا جبکہ 38/40 سالہ یوسف ولد ظہور محمد زخمی ہوا۔ ایس ایس پی ویسٹ حفیظ الرحمٰن بگٹی اور متعلقہ ایس ایچ او اور ٹیکنیکل ٹیم موقع پر موجود ہیں اور واقعے کی تحقیقات جاری ہیں۔
آئی جی سندھ غلام نبی میمن سے داؤدی بوہرہ جماعت کے وفد کی ملاقات، سیکیورٹی اقدامات کی تعریف
ابتدائی اطلاعات کے مطابق، یہ واقعہ ڈکیتی کی مزاحمت کے دوران پیش آیا۔ ملزمان گیس سلنڈر کی دکان پر واردات کے لیے آئے تھے اور مزاحمت پر فائرنگ کر دی۔
پولیس نے موقع واردات اور اطراف سے شواہد جمع کرنے کا عمل شروع کر دیا ہے اور ضابطے کی کارروائی عمل میں لائی جارہی ہے۔ ایس ایس پی صاحب نے کرائم سین کا دورہ کرتے ہوئے واقعے کے متعلق ایس ایچ او سے مکمل بریفنگ لی ہے۔ پولیس مزید تفصیلات اور تحقیقات کے نتائج کے انتظار میں ہے۔