کراچی پولیس آفس میں ایڈیشنل آئی جی کراچی جاوید عالم اوڈھو کی زیر صدارت تعارفی اجلاس منعقد ہوا۔ اجلاس میں ڈی آئی جی سی آئی اے، ڈی آئی جی ٹریفک، ڈی آئی جی سیکیورٹی، ڈی آئی جی انویسٹیگیشن، زونل ڈی آئی جیز، ضلعی ایس ایس پیز اور دیگر سینئر پولیس افسران نے شرکت کی۔
اجلاس کے دوران امن و امان اور دیگر امور پر تبادلہ خیال کیا گیا اور ایک واضع حکمت عملی پیش کی گئی۔ پولیس چیف نے افسران کو شہر میں جرائم کے خاتمے، امن و امان کی بہتری اور عوام کی جان و مال کی حفاظت کے لئے اہم احکامات جاری کیے۔
