جوڈیشل مجسٹریٹ شرقی کی عدالت نے اینکر اقرار الحسن کے خلاف مقدمے میں فرد جرم عائد کرنے کے لیے 20 نومبر کی تاریخ مقرر کردی۔
یہ مقدمہ سوشل میڈیا پر ریاست مخالف مواد کی تشہیر سے متعلق ہے۔ سماعت کے دوران اقرار الحسن اپنے وکلا کے ہمراہ عدالت میں پیش ہوئے۔
عدالت نے مقدمے کی نقول فراہم کردیں
عدالت نے اقرار الحسن کو مقدمے کی نقول فراہم کردیں۔ ساتھ ہی انہیں آئندہ سماعت پر حاضری یقینی بنانے کی ہدایت کی۔
این سی سی آئی اے نے مقدمہ درج کیا
واضح رہے کہ نیشنل سائبر کرائم انویسٹی گیشن ایجنسی (این سی سی آئی اے) نے اقرار الحسن کے خلاف یہ مقدمہ درج کیا ہے۔
جوڈیشل مجسٹریٹ شرقی پہلے ہی این سی سی آئی اے کے عبوری چالان کو حتمی قرار دے چکی ہیں۔ اقرار الحسن اس مقدمے میں ضمانت پر ہیں۔