کراچی: اسپیشل انویسٹیگیشن یونٹ (ایس آئی یو) سی آئی اے نے خفیہ اطلاع پر سائیٹ سپر ہائی وے کے علاقے میں کارروائی کرتے ہوئے 2 مبینہ عادی اسٹریٹ کرمنلز کو گرفتار کرلیا۔
ایس آئی یو ترجمان کے مطابق گرفتار ملزمان کی شناخت شعیب عالم اور ارشاد علی عرف فوجی کے نام سے ہوئی۔
پولیس کے مطابق ملزمان کے قبضے سے 2 غیر قانونی پستول بھی برآمد ہوئے۔
متعدد مقدمات میں مطلوب
ایس آئی یو کے مطابق ابتدائی تفتیش اور سی آر او ریکارڈ سے ملزمان کا سابقہ مجرمانہ ریکارڈ سامنے آیا ہے۔
پولیس کے مطابق دونوں ملزمان مختلف اسٹریٹ کرائم کی وارداتوں میں ملوث رہے ہیں۔
ملزمان کے خلاف درج سابقہ مقدمات میں تھانہ بلال کالونی کا مقدمہ نمبر 655/2021 اور 790/2021 شامل ہیں۔
تھانہ خواجہ اجمیر نگری میں مقدمہ نمبر 1085/2021 درج ہے، جبکہ تھانہ نارتھ ناظم آباد میں مقدمہ نمبر 07/2022 بھی درج ہے۔
صومالی قزاقوں کے ہاتھوں جاں بحق 3 پاکستانیوں کی میتیں کراچی پہنچ گئیں
تھانہ نیو کراچی میں مقدمہ نمبر 464/2022، تھانہ بلال کالونی میں 399/2025 اور تھانہ سائیٹ سپر ہائی وے میں 783/2026 درج ہے۔
مزید تفتیش جاری
پولیس کے مطابق گرفتار ملزمان کے خلاف ایس آئی یو تھانے میں بھی مقدمات درج کرلیے گئے ہیں۔
ملزمان سے مزید تفتیش جاری ہے۔ پولیس کا کہنا ہے کہ شہر میں اسٹریٹ کرائم کے خاتمے کے لیے جرائم پیشہ عناصر کے خلاف کارروائیاں جاری رہیں گی۔