اعلیٰ ثانوی تعلیمی بورڈ کراچی نے انٹرمیڈیٹ حصہ اول سائنس پری انجینئرنگ گروپ کے سالانہ امتحانات 2026 کے نتائج کا اعلان کردیا۔
چیئرمین بورڈ فقیر محمد لاکھو کی ہدایت پر نتائج جاری کیے گئے۔
ناظم امتحانات زرینہ راشد نے نتائج کی تفصیلات جاری کردیں۔
14 ہزار سے زائد امیدوار امتحان میں شریک
سائنس پری انجینئرنگ گروپ کے امتحانات کے لیے 15 ہزار 44 امیدواروں نے رجسٹریشن کرائی تھی۔
ان میں سے 14 ہزار 683 امیدوار امتحان میں شریک ہوئے۔
نتائج کے مطابق 6 ہزار 310 امیدوار تمام چھ پرچوں میں کامیاب ہوئے۔
79 امیدوار پانچ پرچوں میں کامیاب قرار پائے۔
747 امیدوار چار پرچوں میں کامیاب ہوئے۔
1 ہزار 827 امیدوار تین پرچوں میں کامیاب رہے۔
1 ہزار 864 امیدوار دو پرچوں میں کامیاب ہوئے۔
جبکہ 1 ہزار 783 امیدوار ایک پرچے میں کامیاب ہوئے۔
نئے گریڈنگ سسٹم کا نفاذ
رواں سال انٹرمیڈیٹ حصہ اول کے امتحانات میں نیا گریڈنگ سسٹم نافذ کیا گیا ہے۔
یہ نظام آئی بی سی سی اور محکمہ جامعات و بورڈ حکومت سندھ کے فیصلے کے تحت نافذ ہوا۔
نئے نظام کے تحت ہر پرچے میں کم از کم 40 فیصد نمبر حاصل کرنا ضروری ہے۔
40 فیصد سے کم نمبر لینے والے امیدوار کو Ungraded قرار دیا جائے گا۔
ایسے امیدوار اس پرچے میں کامیاب تصور نہیں ہوں گے۔
امتحان کی دیگر شرائط پوری ہونے کی صورت میں امیدوار اسی پرچے کا امتحان دوبارہ دے سکیں گے۔