پاکستان ویمنز ٹیم نے ایشین گیمز میں بنگلادیش ویمنز ٹیم کو شکست دے دی۔ پاکستان نے 31 رنز سے کامیابی حاصل کی۔
پاکستان ویمنز ٹیم نے پہلے بیٹنگ کی۔ قومی ٹیم نے مقررہ 20 اوورز میں 8 وکٹوں کے نقصان پر 145 رنز بنائے۔
کپتان فاطمہ ثناء نے 45 رنز کی نمایاں اننگز کھیلی۔ ان کی اننگز نے پاکستان کو مسابقتی مجموعہ بنانے میں مدد دی۔
بنگلادیش کی بیٹنگ
145 رنز کے ہدف کے تعاقب میں بنگلادیش ویمنز ٹیم مقررہ اوورز میں 7 وکٹوں پر 114 رنز بنا سکی۔
پاکستان نے بنگلادیش کو 31 رنز سے شکست دے کر برانز میڈل حاصل کرلیا۔
پاکستان کی جانب سے اُم ہانی نے شاندار بولنگ کا مظاہرہ کیا۔ انہوں نے 3 وکٹیں حاصل کیں۔
بیرونی قرض: پاکستان نے مالی سال کے پہلے دو ماہ میں 1.70 ارب ڈالر لیے
سیمی فائنل میں سری لنکا سے شکست
اس سے قبل اتوار کو پاکستان ویمنز ٹیم کو سیمی فائنل میں شکست کا سامنا کرنا پڑا تھا۔
سری لنکا ویمنز ٹیم نے پاکستان کو 8 وکٹوں سے شکست دے کر فائنل میں جگہ بنائی تھی۔