شرجیل میمن نے کہا ہے کہ سیاسی مقاصد کے لیے شہر میں بے امنی پھیلانا افسوسناک ہے۔
انہوں نے کہا کہ احتجاج کے نام پر کراچی کو یرغمال بنانے کی اجازت نہیں دی جائے گی۔
صوبائی وزیر کے مطابق احتجاج ہر جماعت کا حق ہے۔
انہوں نے کہا کہ جماعت اسلامی کو بھی پُرامن احتجاج کا حق حاصل ہے۔
شرجیل میمن نے کہا کہ شرپسند عناصر کو عوامی املاک کو نقصان پہنچانے کی اجازت نہیں دی جا سکتی۔
ان کے مطابق احتجاج کی آڑ میں خوف و ہراس پھیلانا قانون کو چیلنج کرنے کے مترادف ہے۔
صوبائی وزیر نے کہا کہ ریاست کی رٹ چیلنج کرنے والوں سے سختی سے نمٹا جائے گا۔
انہوں نے واضح کیا کہ آگ لگانے والوں کے خلاف کارروائی ہوگی۔
سڑکیں بند کرنے اور املاک کو نقصان پہنچانے والوں کو بھی قانون کے کٹہرے میں لایا جائے گا۔
شرجیل میمن نے کہا کہ شہریوں کے جان و مال کا تحفظ حکومت کی اولین ذمہ داری ہے۔