امام حسینؑ اور شہدائے کربلا کے ایصالِ ثواب کے لیے ماڈل کالونی کے رانا میرج ہال میں نیازِ حلیم کی تقریب منعقد ہوئی۔
تقریب کی میزبانی پاکستان پیپلز پارٹی سندھ کے رہنما رانا محمد احسان نے کی۔
تقریب میں مختلف سیاسی جماعتوں کے رہنما شریک ہوئے۔
منتخب نمائندوں، صحافیوں اور معززینِ علاقہ نے بھی بڑی تعداد میں شرکت کی۔
مہمانِ خصوصی سجادہ نشین درگاہ حق باہو، سلطان صاحبزادہ فیاض الحسن سہروردی قادری نے حضرت امام حسینؑ اور شہدائے کربلا کو خراجِ عقیدت پیش کیا۔
انہوں نے کہا کہ عشقِ اہلِ بیتؑ ایمان کی بنیاد ہے۔
انہوں نے مزید کہا کہ سیرتِ امام حسینؑ پر عمل دنیا اور آخرت کی کامیابی کا راستہ ہے۔
ان کے مطابق واقعۂ کربلا حق، صبر، استقامت اور قربانی کی عظیم مثال ہے۔
انہوں نے کہا کہ ظلم، جبر اور ناانصافی کے سامنے کبھی سر نہیں جھکانا چاہیے۔
رانا محمد احسان نے کہا کہ حضرت امام حسینؑ کی قربانی پوری انسانیت کے لیے رہنمائی کا سرچشمہ ہے۔
انہوں نے کہا کہ حسینی کردار اپنانے سے محبت، رواداری اور انصاف کو فروغ مل سکتا ہے۔
انہوں نے مزید کہا کہ نوجوان نسل کو حضرت امام حسینؑ کی تعلیمات سے روشناس کرانا وقت کی اہم ضرورت ہے۔
تقریب کے اختتام پر امتِ مسلمہ، پاکستان کی سلامتی، امن، استحکام اور قومی یکجہتی کے لیے خصوصی دعا کی گئی۔
بعد ازاں شرکاء کی تواضع نیازِ حلیم سے کی گئی