رواں مالی سال کے 6 ماہ میں پاکستان کو کتنا قرض اور امداد ملی؟ تفصیلات جاری

تشکُّر نیوز رپورٹنگ،

اقتصادی امور ڈویژن کی رپورٹ کے مطابق مالی سال 24-2023 کے پہلے 6 ماہ میں پاکستان کو 5 ارب 96 کروڑ ڈالر کا بیرونی قرض ملا۔

رپورٹ کے مطابق جولائی سے دسمبر 2023 تک پاکستان کو کثیرالجہتی اداروں سے 2 ارب 24 کروڑ ڈالر قرض ملا جبکہ رواں مالی سال کے پہلے 6 ماہ میں دوست ممالک نے 72 کروڑ 31 لاکھ ڈالر قرض دیا اور دوست ممالک کی طرف سے 2 ارب ڈالر کے ٹائم ڈپازٹ حاصل ہوئے۔

اقتصادی امور ڈویژن کی رپورٹ میں کہا گیا ہے کہ مالی سال کے پہلے 6 ماہ میں عالمی بینک نے ایک ارب ڈالر سے زائد کا قرض فراہم کیا جبکہ ایشیائی ترقیاتی بینک نے 59 کروڑ ڈالر اور ایشین انفرا اسٹرکچر انویسٹمنٹ بینک نے 29 کروڑ ڈالر کا قرض دیا۔

رپورٹ میں بتایا گیا ہے کہ اسلامی ترقیاتی بینک نے 16 کروڑ ڈالر کا قرضہ دیا جبکہ اسی عرصے میں پاکستان نے پیٹرولیم درآمد میں ساڑھے 59 کروڑ ڈالر کی سعودی آئل سہولت استعمال کی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Don`t copy text!