سندھ پریمیئر لیگ کا میلہ 25 جنوری سے کراچی میں لگے گا

تشکُّر نیوز رپورٹنگ

ایونٹ میں کراچی غازی، حیدرآباد بہادرز، میرپور خاص ٹائیگرز، بےنظیرآباد لعل، سکھر اور لاڑکانہ چیلنجرز کی ٹیمیں شامل ہیں۔ ایونٹ کے لیے تیاریاں زور و شور سے جاری ہیں۔

میرپورخاص ٹائیگرز نے سابق کپتان معین خان کو ٹیم کا ہیڈ کوچ مقرر کیا گیا ہے۔ راولپنڈی ایکسپریس شعیب اختر کو برانڈ ایمبیسیڈر بنایا گیا ہے جو فرنچائز جوائن کرنے کے لیے پرجوش ہیں۔

 میرپور خاص ٹائیگرز ٹیم کے اونر عرفان علی گھانچی کہتے ہیں ٹیم لینے کا مقصد سندھ میں کرکٹ کے فروغ میں اپنا حصہ ڈالنا ہے۔ لیگ سے سندھ سے تعلق رکھنے والے کھلاڑیوں کو فائدہ پہنچے گا۔

ہیڈکوچ معین خان اور برانڈ ایمبسیڈر شعیب اختر کی موجودگی میں ٹیم شاندار کارکردگی دکھائی گی۔ ٹائٹل جیتنے کے لیے بھرپور محنت کریں گے۔ کھلاڑیوں کی حوصلہ افزائی کے لیے اداکار عمران اشرف بھی گراونڈ میں موجود ہوں گے۔

چیف ایگزیکٹیو جان شیر اشرفی کا کہنا ہے سندھ پریمیئر لیگ سندھ کے کھلاڑیوں کو اپنا ٹیلنٹ شو کرنے کا بہترین موقع فراہم کرے گی۔ کرکٹ فینز اس لیگ کو کامیاب بنائیں اور بڑی تعداد میں اسٹیڈیم میں میچز دیکھنے آئیں۔ لیگ کے تمام میچز نیشنل بنک اسٹیڈیم میں ہوں گے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Don`t copy text!