سابق کرکٹر خالد لطیف ٹی ایل پی کی طرف سے الیکشن لڑیں گے

تشکُّر نیوز رپورٹنگ،

سابق پاکستانی کرکٹر خالد لطیف نے تحریک لبیک پاکستان (ٹی ایل پی ) کی جانب سے الیکشن لڑنے کا فیصلہ کرلیا۔

5 ون ڈے انٹرنیشنلز میں پاکستان کی نمائندگی کرنے والے دائیں ہاتھ کے کرکٹر خالد لطیف کراچی کے علاقے ملیر کے حلقے سے صوبائی اسمبلی کی نشست پی ایس 89 سے کھڑے ہورہے ہیں۔

ذرائع کے مطابق ٹی ایل پی کے سربراہ سعد رضوی نے خالد لطیف سے رابطہ کیا تھا جس دوران انہیں این اے 231 سے پیپلز پارٹی کے حکیم بلوچ کے خلاف الیکشن لڑنے کی پیشکش کی گئی۔

ذرائع کا کہنا ہے کہ خالد لطیف نے پی ایس 89  کا ٹکٹ قبول کرلیا ہے، اب وہ پی پی کے سلیم بلوچ اور پی ٹی آئی کے حمایت یافتہ اشرف سموں کے خلاف الیکشن لڑیں گے۔

دوسری جانب اس نشست کیلئے جماعت اسلامی نے شعیب حیدر کو منتخب کیا ہے۔ 

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Don`t copy text!