روس نے یوکرین پر ایک بار پھر بڑے پیمانے پر ڈرون اور میزائل حملے کیے، جن کے نتیجے میں 13 افراد جاں بحق اور 30 سے زائد زخمی ہو گئے۔
Karachi Heatwave Crisis | No Water, No Electricity | Public Protests Across the City
یوکرینی حکام کے مطابق یہ حملے دارالحکومت کیف سمیت مختلف شہروں میں کیے گئے۔ روس کی جانب سے گزشتہ رات 298 ڈرون اور 45 میزائل داغے گئے، جنہوں نے شہری علاقوں، رہائشی عمارتوں اور انفرااسٹرکچر کو شدید نقصان پہنچایا۔
یوکرینی وزارت دفاع نے تصدیق کی ہے کہ ہلاکتیں زیادہ تر کیف، مغربی اور جنوبی یوکرین کے علاقوں میں ہوئیں۔ حملوں سے درجنوں عمارتیں تباہ یا جزوی طور پر متاثر ہوئیں، جب کہ امدادی ٹیمیں ملبے تلے دبے افراد کو نکالنے اور زخمیوں کو طبی امداد فراہم کرنے میں مصروف ہیں۔
یوکرینی فضائیہ کے مطابق کئی ڈرونز اور میزائلوں کو فضائی دفاعی نظام کے ذریعے تباہ کر دیا گیا، تاہم حملوں کی شدت کے باعث مکمل تباہی کو روکا نہ جا سکا۔
یہ حالیہ حملے یوکرین پر روسی دباؤ میں اضافے اور جنگی صورتحال کے مزید سنگین ہونے کا عندیہ دیتے ہیں، جب کہ عالمی برادری کی جانب سے فوری ردعمل کا امکان ظاہر کیا جا رہا ہے۔