شائع غیر ملکی خبر رساں ادارے کی رپورٹ کے مطابق، سوتشکر کی نیم فوجی تنظیم ریپڈ سپورٹ فورسز (RSF) نے اپنے زیرِ اثر علاقوں میں متوازی حکومت کے قیام کا اعلان کر دیا ہے۔ یہ اعلان RSF کے سربراہ محمد حمدان ڈاگلو نے کیا، جو سوڈانی فوج کے سربراہ عبدالفتاح البرہان کے سابق نائب رہ چکے ہیں۔
انٹر میلان کا ٹریبل خواب برقرار، بائرن میونخ کے خلاف مجموعی فتح کے بعد چیمپئنز لیگ سیمی فائنل میں رسائی
ڈاگلو نے ٹیلیگرام پر جاری ایک بیان میں کہا:
"ہم فخر کے ساتھ امن اور اتحاد کی حکومت کے قیام کا اعلان کرتے ہیں، جو ایک وسیع اتحاد کی نمائندگی کرتی ہے اور سوتشکر کے حقیقی چہرے کی عکاسی کرتی ہے۔”
RSF اور اس کے سیاسی اتحادیوں نے فروری میں کینیا میں ایک چارٹر پر دستخط کیے تھے، جس کے تحت ان کے زیر قبضہ علاقوں میں متوازی حکومت قائم کی گئی۔ اس اقدام نے بین الاقوامی سطح پر تشویش میں اضافہ کر دیا ہے، خاص طور پر اقوام متحدہ کی جانب سے۔
اقوام متحدہ کے سیکریٹری جنرل انتونیو گوتریس کے ترجمان اسٹیفن دوجارک نے کہا:
"ہم سوتشکر کے تنازع میں مزید شدت آنے پر انتہائی فکرمند ہیں۔ ایسے اقدامات، جو ملک کی تقسیم کو گہرا کر سکتے ہیں، بحران کو مزید بڑھا سکتے ہیں۔ ہمیں جلد از جلد قابلِ قبول عبوری انتظامات کی ضرورت ہے۔”
ڈاگلو نے اپنے حالیہ بیان میں کہا کہ RSF نے سول اور سیاسی قوتوں کے ساتھ ایک عبوری آئین پر دستخط کیے ہیں، جو "نئے سوتشکر کے لیے روڈ میپ” فراہم کرتا ہے۔ اس آئین کے تحت ایک 15 رکنی صدارتی کونسل قائم کی جائے گی، جس میں تمام خطوں کی نمائندگی ہو گی اور جو "رضاکارانہ اتحاد کی علامت” ہوگی۔
کیمبرج یونیورسٹی کے پروفیسر شرتھ سری نواسن، جو سوتشکر پر تحقیق کرتے ہیں، نے خبردار کیا ہے کہ:
"دارفور میں RSF کی پیش قدمی کے ساتھ، علاقائی تقسیم عملی طور پر علیحدگی کی طرف جا سکتی ہے۔”
یاد رہے کہ سوتشکر میں فوجی حکومت اور RSF کے درمیان دو سال سے جاری خانہ جنگی میں ہزاروں افراد جاں بحق اور لاکھوں افراد بے گھر ہو چکے ہیں۔