راولپنڈی: پاک فوج کے شعبہ تعلقات عامہ (آئی ایس پی آر) کے مطابق، دہشت گردوں کے ساتھ فائرنگ کے تبادلے میں 24 سالہ کیپٹن حسنین اختر شہید ہو گئے۔ شہید کیپٹن کا تعلق پنجاب کے ضلع جہلم سے تھا اور وہ اپنی ٹیم کی قیادت کرتے ہوئے مادرِ وطن پر قربان ہو گئے۔
یومِ پاکستان پریڈ محدود پیمانے پر روایتی جوش و جذبے سے منانے کا اعلان
کیپٹن حسنین اختر ایک نڈر اور بہادر افسر تھے، جو اپنے جرات مندانہ فیصلوں اور کامیاب آپریشنز میں نمایاں کارکردگی کی وجہ سے پہچانے جاتے تھے۔ پاک فوج کے مطابق، آپریشن کے دوران ہلاک ہونے والے دہشت گردوں سے بھاری مقدار میں اسلحہ اور گولہ بارود برآمد کیا گیا۔ یہ دہشت گرد قانون نافذ کرنے والے اداروں پر حملوں اور معصوم شہریوں کی ٹارگٹ کلنگ میں ملوث رہے تھے۔
آئی ایس پی آر کے بیان میں مزید کہا گیا کہ علاقے میں کسی بھی مزید دہشت گردی کے خطرے کو ختم کرنے کے لیے کلیئرنس آپریشن جاری ہے۔ پاک فوج ملک سے دہشت گردی کے ناسور کو جڑ سے اکھاڑنے کے لیے پرعزم ہے، اور ہمارے بہادر جوانوں کی ایسی قربانیاں قومی عزم کو مزید مضبوط کرتی ہیں۔
