اسلام آباد: 23 مارچ یومِ پاکستان کی پریڈ محدود پیمانے پر مگر روایتی جوش و جذبے کے ساتھ منانے کا اعلان کر دیا گیا ہے۔ تقریب میں غیر ملکی سفرا اور دیگر اہم شخصیات کو بھی مدعو کیا گیا ہے۔
وادی تیراہ میں دہشت گردوں کا حملہ، عوام کی بہادری نے فوجی جوان کو بچا لیا
ذرائع کے مطابق، رواں سال یومِ پاکستان پریڈ کو رمضان المبارک کے باعث محدود پیمانے پر منعقد کرنے کا فیصلہ کیا گیا ہے۔ یہ خصوصی تقریب ایوانِ صدر کے احاطے میں منعقد ہوگی، جس میں پاکستان کی تینوں مسلح افواج کے دستے بھرپور شرکت کریں گے۔
صدرِ مملکت تقریب کے مہمانِ خصوصی ہوں گے اور پریڈ میں مسلح افواج کے دستے انہیں سلامی پیش کریں گے۔ اس کے علاوہ، پاک فضائیہ کے لڑاکا طیارے ایوانِ صدر کے اوپر فلائی پاسٹ کریں گے، جبکہ پاکستان آرمی کا ‘پائپ اینڈ پرکشن بینڈ’ بھی اپنی مہارت کا مظاہرہ کرے گا۔
