نیشنل آرکائیوز نے جان ایف کینیڈی کے قتل سے متعلق 63,400 صفحات پر مشتمل دو سیٹ جاری کر دیے ہیں۔ یہ واضح نہیں کہ ان میں کتنی فائلیں نئی ہیں یا پہلے سے جزوی طور پر جاری ہو چکی تھیں۔
کراچی میں جاپانی کیلنڈر نمائش 2025 کا افتتاح، جاپانی ثقافت کے رنگ نمایاں
حکام کے مطابق کینیڈی قتل کیس کے تقریباً تمام سرکاری ریکارڈ پہلے ہی منظر عام پر آ چکے ہیں، اور اب صرف ایک فیصد فائلیں خفیہ ہیں۔ نیویارک ٹائمز کے مطابق یہ ممکنہ طور پر اس کیس سے متعلق آخری بڑی اشاعت ہو سکتی ہے۔
یہ ریکارڈ ابتدائی طور پر صدر ڈونلڈ ٹرمپ کے ایگزیکٹو آرڈر کے تحت جاری کیے گئے تھے، جس میں مارٹن لوتھر کنگ جونیئر اور سینیٹر رابرٹ ایف کینیڈی کے قتل سے متعلق مزید دستاویزات جاری کرنے کی بھی ہدایت کی گئی تھی۔
نئی دستاویزات میں زیادہ تر پہلے سے موجود معلومات شامل ہیں، تاہم کچھ ریکارڈز میں سی آئی اے کے خفیہ آپریشنز کے بارے میں تفصیلات شامل ہیں، جیسے 1961 میں 1500 ایجنٹس کو اسٹیٹ ڈپارٹمنٹ کے ملازمین کے طور پر تعینات کرنا، جسے خارجہ پالیسی کے لیے خطرہ سمجھا گیا۔
مارٹن لوتھر کنگ جونیئر کے قتل سے متعلق معلومات بھی محدود ہیں۔ کچھ دستاویزات میں جیمز ارلرے سے مشابہت رکھنے والے شخص کی میکسیکو سٹی اور نائجیریا میں موجودگی کا ذکر کیا گیا ہے، جبکہ پاناما میں دو امریکی شہریوں کو گرفتار کر کے رہا کر دیا گیا تھا۔
یہ تازہ ترین انکشافات امریکی تاریخ کے ان اہم قتل کیسز پر تحقیق کرنے والے ماہرین کے لیے مزید سوالات پیدا کر سکتے ہیں۔
