پاک بحریہ کے کموڈور کامران احمد اور کموڈور کاشف منیر کو ریئر ایڈمرل کے عہدے پر ترقی دے دی گئی ہے۔
9 مئی جلاؤ گھیراؤ کیس: شاہ محمود قریشی، یاسمین راشد سمیت دیگر ملزمان پر فرد جرم عائد، تمام ملزمان کا صحتِ جرم سے انکار
ریئر ایڈمرل کامران احمد نے 1993 میں پاک بحریہ کی کنسٹرکشن برانچ میں کمیشن حاصل کیا۔ وہ پاکستان نیوی وار کالج لاہور اور نیشنل ڈیفنس یونیورسٹی اسلام آباد سے فارغ التحصیل ہیں اور انہوں نے برطانیہ سے نیول آرکیٹیکچر میں ماسٹرز کی ڈگری حاصل کر رکھی ہے۔ وہ اپنے کیریئر میں اہم کمانڈ اور اسٹاف عہدوں پر خدمات انجام دے چکے ہیں جن میں کمانڈنٹ پاکستان نیوی انجینئرنگ کالج، چیف نیول اوورسیئر (پاکستان) ہنگور پراجیکٹ، ڈپٹی جنرل منیجر شپ ڈیزائن کراچی شپ یارڈ، مینیجر ہل انجینئرنگ پی این ڈاکیارڈ، ڈائریکٹر نیول کنسٹرکشن اور اسسٹنٹ چیف آف دی نیول اسٹاف (پراجیکٹس) شامل ہیں۔
دوسری جانب ریئر ایڈمرل کاشف منیر نے 1993 میں میرین انجینئرنگ برانچ میں کمیشن حاصل کیا۔ وہ بھی پاکستان نیوی وار کالج لاہور اور نیشنل ڈیفنس یونیورسٹی اسلام آباد کے گریجویٹ ہیں۔ انہوں نے اہم کمانڈ و اسٹاف تقرریوں پر ذمہ داریاں نبھائیں جن میں کمانڈنٹ پی این ایس کارساز، میرین انجینئرنگ آفیسر سابق پی این ایس شاہجہان، مینیجر میرین انجینئرنگ پی این ڈاکیارڈ، ڈائریکٹر شپ مینٹیننس اینڈ ریپیئر نیول ہیڈکوارٹرز، چیف انسپکٹر آف نیول اسٹورز، چیف اسٹاف آفیسر ٹو کمانڈر لاجسٹکس اور اسسٹنٹ چیف آف دی نیول اسٹاف (مینٹیننس) شامل ہیں۔
دونوں افسران کو ان کی شاندار خدمات کے اعتراف میں ستارہ امتیاز (ملٹری) سے بھی نوازا جا چکا ہے