پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے ضلع ٹانک میں ایک کامیاب آپریشن کے دوران 3 خوارج دہشت گردوں کو ہلاک کر دیا۔ ہلاک ہونے والے دہشت گرد سیکیورٹی فورسز اور عام شہریوں پر حملوں میں ملوث تھے۔ آپریشن کے دوران دہشت گردوں کے قبضے سے بھاری مقدار میں اسلحہ اور گولہ بارود بھی برآمد ہوا۔
سندھ وزارت اطلاعات کی جانب سے کراچی پریس کلب میں صحافیوں کے اعزاز میں پرتکلف افطار ڈنر
ترجمان پاک فوج نے بتایا کہ علاقے میں مزید دہشت گردوں کے خاتمے کے لیے کلیئرنس آپریشن جاری ہے اور سیکیورٹی فورسز دہشت گردی کے مکمل خاتمے تک اپنی کارروائیاں جاری رکھیں گی۔
صدر مملکت اور وزیراعظم کی جانب سے خراجِ تحسین
صدر مملکت آصف علی زرداری نے سیکیورٹی فورسز کو خراج تحسین پیش کرتے ہوئے کہا کہ دہشت گردوں کے مکمل خاتمے تک کارروائیاں جاری رہیں گی، اور پوری قوم اس جنگ میں اپنی سیکیورٹی فورسز کے ساتھ ہے۔
وزیراعظم شہباز شریف نے بھی ٹانک میں ہونے والے کامیاب آپریشن پر سیکیورٹی فورسز کی کارکردگی کو سراہا اور اس عزم کا اظہار کیا کہ حکومت ملک سے دہشت گردی کے خاتمے کے لیے پُرعزم ہے اور دہشت گردوں کے خلاف بلا روک ٹوک کارروائیاں جاری رہیں گی۔