کراچی: سینٹرل عزیزآباد کی حدود میں پولیس اور ڈاکوؤں کے درمیان فائرنگ کے تبادلے کے بعد 5 ڈاکوؤں کو بغیر کسی گولی کے لگے گرفتار کر لیا گیا۔ ایس ایس پی ڈسٹرکٹ سینٹرل کے مطابق، یہ پولیس مقابلہ محمدی گراؤنڈ، محمدی کالونی، عزیزآباد بلاک 8 کے قریب پیش آیا۔
اے این ایف کا ملک بھر میں منشیات اسمگلنگ کے خلاف کریک ڈاؤن، 6 ملزمان گرفتار
گرفتار ملزمان کی شناخت
دانش ولد غلام مصطفیٰ
عامر عرف عامری ولد غلام نانک
سجاد عرف جھٹکا ولد غلام عاشق
شیراز عرف شادو ولد غلام شبیر
رضوان ولد نعمت اللہ
ملزمان کے قبضے سے برآمد سامان
1 عدد 9 ایم ایم پسٹل
2 عدد 30 بور پسٹل (لوڈ میگزین اور گولیوں سمیت)
4 عدد چھینے گئے موبائل فون
2 عدد موٹر سائیکل
چوری شدہ اشیاء کی تفصیلات
برآمد شدہ موبائل فونز میں سے ایک فون مقدمہ الزام نمبر 648/2024 میں درج تھا (دفعہ 392/397/34)۔
دوسرا موبائل فون مقدمہ الزام نمبر 75/2025 میں مطلوب تھا (دفعہ 395/397، تھانہ بہادرآباد)۔
برآمد شدہ ایک موٹر سائیکل عزیزآباد تھانے سے چوری شدہ تھی، جس کا مقدمہ الزام نمبر 64/2025 عزیزآباد تھانے میں درج تھا (دفعہ 392/397/34)۔
پولیس نے گرفتار ملزمان کے خلاف مقدمات درج کر کے تفتیش کا آغاز کر دیا ہے۔