سکھر: آرٹس کونسل آف پاکستان کراچی کے زیر اہتمام "پاکستان لٹریچر فیسٹیول 2025 (سکھر چیپٹر II)” کا انعقاد 25 اور 26 فروری کو سکھر آئی بی اے یونیورسٹی میں کیا جائے گا۔ وزیر اعلیٰ سندھ سید مراد علی شاہ 25 فروری کو فیسٹیول کا افتتاح کریں گے۔
سندھ میں ترقیاتی منصوبوں کی آبادکاری و بحالی پالیسی کے نفاذ کے لیے تربیتی نشست کا آغاز
پریس کانفرنس میں صدر آرٹس کونسل محمد احمد شاہ، میئر سکھر ارسلان اسلام شیخ، وائس چانسلر سکھر آئی بی اے یونیورسٹی آصف احمد شیخ، اور چیئرمین ضلع کونسل سکھر سید کمیل حیدر شاہ نے شرکت کی۔
محمد احمد شاہ نے کہا کہ اس فیسٹیول میں تعلیم، ڈیجیٹل ٹیکنالوجی، ہائر ایجوکیشن، مصنوعی ذہانت (AI)، زراعت، اور ادب پر سیشنز ہوں گے۔ نوجوان لکھاریوں کے لیے بھی خصوصی نشستیں رکھی گئی ہیں۔ فیسٹیول میں معروف گلوکار اور مشہور شخصیات بھی شرکت کریں گی۔
میئر سکھر نے کہا کہ یہ فیسٹیول شہر کے لیے ایک اعزاز ہے اور سکھر میں مثبت تبدیلی کی علامت بنے گا۔ شرکت کے لیے آرٹس کونسل آف پاکستان کراچی (ACPKHI) کی ویب سائٹ پر رجسٹریشن ضروری ہوگی۔
یہ فیسٹیول پاکستان کے ادبی اور ثقافتی منظرنامے میں ایک اہم قدم ثابت ہوگا۔