پاک فوج کے شعبہ تعلقات عامہ (آئی ایس پی آر) کے مطابق 6 فروری 2025 کو شمالی وزیرستان کے علاقے دتہ خیل میں سیکیورٹی فورسز کی کامیاب کارروائی کے دوران ہلاک ہونے والا دہشت گرد افغان شہری نکلا۔ دہشت گرد کی شناخت لقمان خان عرف نصرت ولد کمال خان کے نام سے ہوئی۔
مریم اورنگزیب: 8 فروری عوام کے حق کی واپسی کا دن، پاکستان ترقی کی راہ پر گامزن
آئی ایس پی آر نے بتایا کہ دستاویزی شواہد کے مطابق لقمان خان ضلع سپیرا، صوبہ خوست، افغانستان کا رہائشی تھا۔ پاکستانی حکام نے افغان حکومت سے دہشت گرد کی لاش وصول کرنے کے لیے باضابطہ رابطہ کیا ہے۔
پاک فوج کے مطابق یہ واقعہ اس بات کا ناقابل تردید ثبوت ہے کہ پاکستان میں دہشت گردی کی کارروائیوں میں افغان شہری ملوث ہیں۔ آئی ایس پی آر کا کہنا ہے کہ پاکستان توقع رکھتا ہے کہ افغان عبوری حکومت اپنی ذمہ داریوں کو پورا کرے گی اور اپنی سرزمین کو پاکستان کے خلاف دہشت گردی کے لیے استعمال ہونے سے روکے گی۔
مزید:
آئی ایس پی آر نے زور دیا کہ ایسے واقعات دونوں ممالک کے درمیان سیکیورٹی تعاون کی ضرورت کو مزید اجاگر کرتے ہیں۔ پاکستان کا موقف ہے کہ افغانستان اپنی سرزمین سے دہشت گرد گروہوں کی سرگرمیوں پر قابو پانے کے لیے مزید موثر اقدامات کرے۔