اسماعیلی کمیونٹی کے 49 ویں روحانی پیشوا، پرنس کریم آغا خان کا انتقال 88 برس کی عمر میں پرتگال کے دارالحکومت لزبن میں ہوا۔ ان کی نماز جنازہ لزبن میں ادا کی جائے گی، اور دنیا بھر کی جماعت خانوں میں خصوصی دعائیہ اجتماعات کا سلسلہ شروع ہو چکا ہے۔
پاپوش نگر پولیس کی بروقت کارروائی، موٹرسائیکل لفٹر گرفتار
پرنس کریم آغا خان کو 11 جولائی 1957 کو اسماعیلی کمیونٹی کا امام مقرر کیا گیا، جب ان کی عمر صرف 20 سال تھی۔ وہ اپنے دادا، سر سلطان محمد شاہ آغا خان کے بعد اس منصب پر فائز ہوئے۔
انہوں نے اپنی زندگی پسماندہ طبقات کی بہتری، تعلیم، صحت، اور معیشت کی ترقی کے منصوبوں کے لیے وقف کی۔ وہ اسلام کی اقدار جیسے ہمدردی، برداشت، اور انسانی عظمت پر زور دینے والے رہنما کے طور پر جانے جاتے تھے۔
ان کی وفات کے بعد کمیونٹی نے نئے روحانی پیشوا کی نامزدگی کا عمل مکمل کر لیا ہے، اور اس حوالے سے تفصیلات جلد فراہم کی جائیں گی۔
پاکستان میں ان کی خدمات کو سراہتے ہوئے انہیں ستارہ امتیاز اور ستارہ پاکستان کے اعزازات سے نوازا گیا۔
