سندھ کے سینئر وزیر شرجیل انعام میمن نے کہا ہے کہ سندھ کابینہ کے حالیہ فیصلے کے تحت یونیورسٹیوں کے وائس چانسلر کے تقرر کے نظام کو مزید بہتر بنایا گیا ہے۔ نئے نظام کے تحت وائس چانسلر کے امیدواروں کے لئے صرف اساتذہ ہی نہیں، بلکہ ریٹائرڈ افراد اور متعلقہ شعبے کے ماہرین بھی اس عہدے کے لئے اہل ہوں گے۔
سنو لیپرڈ مقابلوں کے ذریعے پاک فوج کی تربیت: 12 ہزار فٹ کی بلندیاں، 23 ٹیمیں، 275 کھلاڑی
شرجیل میمن نے مزید وضاحت کی کہ پروفیسرز کے بطور وائس چانسلر تقرری کا قانون پیپلز پارٹی نے بنایا تھا، اور اب اس میں مزید وسعت دے کر نئے امیدواروں کو شامل کیا گیا ہے۔ ان کا کہنا تھا کہ ماضی میں مختلف یونیورسٹیوں کے وائس چانسلر کے طور پر مختلف بیوروکریٹس اور ماہرین کی تقرری کی گئی تھی، جیسے علامہ ائی آئی آئی قاضی اور مظہر الحق صدیقی، جنہوں نے کامیابی سے اس عہدے پر خدمات انجام دیں۔
سندھ میں یونیورسٹیوں کی تعداد 8 سے بڑھ کر 30 ہو چکی ہے، جس سے درخواست گزاروں کی تعداد میں بھی اضافہ ہوا ہے، اور نئے نظام کے تحت امیدواروں کے انتخاب کی شرح مزید محدود ہو جائے گی۔