تشکر نیوز کراچی: وفاقی تحقیقاتی ادارے (ایف آئی اے) کارپوریٹ کرائم سرکل نے ایف بی ایریا میں کارروائی کرتے ہوئے غیر ملکی کمپنیوں سے سی فوڈز اور چکن مصنوعات سپلائی کے نام پر لاکھوں ڈالرز بٹورنے والے گینگ کے 4 ارکان کو گرفتار کر لیا۔
شاہراہ نور جہاں پولیس کی کارروائی، گورکن کو 60 ہزار کی قبر فروخت کرنے پر حراست میں لیا
ملزمان جعلی اشتہارات کے ذریعے ڈمی کمپنیز بنا کر غیر ملکی کمپنیوں سے فراڈ کرتے تھے۔ انہوں نے ایک لاکھ 36 ہزار ڈالرز اور لاکھوں روپے بٹورے۔ ان کمپنیوں میں چین، تھائی لینڈ، سنگاپور، ہانگ کانگ، جرمنی اور قازقستان کی کمپنیاں شامل تھیں۔
گرفتار ملزمان میں عارف، سلیم، شارق اور نوید شامل ہیں۔ انہوں نے سوگومیٹ اور سلور ہائبرڈ نامی جعلی کمپنیز بنا رکھی تھیں اور فیس بک پر اشتہارات کے ذریعے غیر ملکی کمپنیوں سے فراڈ کیا۔ میسرز چان پاک شان سے ایک لاکھ امریکی ڈالرز اور 2 لاکھ 23 ہزار چینی یوآن بٹورے گئے۔ جرمن رابرٹ ویز نامی کمپنی سے 36 ہزار 450 ڈالرز کا فراڈ کیا گیا۔
سری لنکن کمپنی زم زم سے 19 ہزار امریکی ڈالرز اور لاکھوں روپے فراڈ سے وصول کیے گئے۔ ایف آئی اے حکام کے مطابق، ملزمان کے خلاف مقدمہ درج کر لیا گیا ہے اور مزید کارروائی جاری ہے۔