تشکرنیوز: تھانہ کورنگی کی حدود میں رینجرز گراؤنڈ کے قریب واقع کچی آباد میں پولیو مہم کے دوران ایک قبائلی فیملی کی جانب سے پولیو ویکسین کے حوالے سے ردعمل سامنے آیا، جس پر پولیس نے فوری کارروائی کی۔
پولیو ورکرز اور پولیس پر حملہ
روز مرہ کی پولیو مہم کے تحت پولیو ورکرز اور پولیس جوان کچی آباد میں گھر گھر جا کر ویکسینیشن کی مہم میں مصروف تھے، جب وہ ایک قبائلی فیملی کے دروازے پر پہنچے، تو گھر میں موجود خواتین نے پولیو ورکرز اور پولیس جوانوں کو زدوکوب کیا۔
پولیس کی فوری کارروائی
ڈی ایس پی کورنگی نے فوری طور پر اضافی نفری کے ہمراہ موقع پر پہنچ کر کارروائی کی۔ اس دوران گھر میں موجود فیملی کی جانب سے شدید رد عمل کا مظاہرہ کیا گیا اور پولیس پر پتھراؤ کیا گیا۔
گرفتاری اور تھانے منتقلی
پولیس نے 4 خواتین اور 2 نوجوانوں کو تحویل میں لے کر تھانے منتقل کر دیا۔ تحویل میں لی جانے والی خواتین میں ثمینہ زوجہ شینا خان، مہہ جبین زوجہ سلیمان، آمنہ دختر نسیم گل، اقرا دختر شینا خان شامل ہیں۔ مردوں میں گل عمران ولد مومن خان اور سفیان ولد شاہنواز شامل ہیں۔