کراچی: واٹر کارپوریشن کے چیف انجینئر ای اینڈ ایم انتخاب احمد راجپوت اپنی مدت ملازمت مکمل ہونے پر ریٹائر ہو گئے۔ اس موقع پر سی ای او واٹر کارپوریشن انجینئر سید صلاح الدین احمد اور سی او او انجینئر اسد اللہ خان نے اپنے پیغام میں انتخاب احمد راجپوت کے لیے نیک تمناؤں کا اظہار کیا۔
پی ٹی آئی احتجاج: مسلح شرپسند عناصر کا قائد مراد سعید وزیراعلیٰ ہاؤس پشاور میں روپوش ہے، عطا تارڑ
سی ای او اور سی او او نے انتخاب احمد راجپوت کی 33 سالہ خدمات کو خراجِ تحسین پیش کرتے ہوئے کہا کہ انہوں نے ادارے، افسران، اور ملازمین کی بہتری کے لیے اہم کردار ادا کیا اور اپنی ذمہ داریاں ایمانداری سے انجام دیں۔ انہوں نے مزید کہا کہ انتخاب احمد کی محنت اور منصوبوں کو بروقت مکمل کرنے کی لگن کو ہمیشہ یاد رکھا جائے گا۔
ریٹائرمنٹ کے موقع پر انتخاب احمد راجپوت نے واٹر کارپوریشن کے اعلیٰ حکام، افسران، اور ملازمین کا شکریہ ادا کیا۔ انہوں نے کہا کہ اپنے کیریئر کے دوران اعلیٰ افسران اور ماتحت عملے کی بھرپور حمایت اور تعاون نے انہیں ہر چیلنج کا سامنا کرنے کے قابل بنایا۔
انہوں نے جذباتی انداز میں کہا:
"میں ان یادگار لمحات اور تجربات کو ہمیشہ یاد رکھوں گا جو ہم نے مل کر حاصل کیے ہیں۔”
"ہم نے ایک ٹیم کے طور پر جو کچھ حاصل کیا ہے، اس پر مجھے فخر ہے۔”
انتخاب احمد راجپوت نے واٹر کارپوریشن کے بہتر مستقبل اور کامیابی کے لیے نیک تمناؤں کا اظہار کیا اور کہا کہ ان کی دعائیں ہمیشہ ادارے کے ساتھ رہیں گی۔