کراچی (تشکر نیوز) – دفاعی نمائش آئیڈیاز کے موقع پر کراچی کے سی ویو پر ایک شاندار ایئرشو کا انعقاد کیا گیا جس میں پاکستان کی تینوں مسلح افواج نے اپنی پیشہ ورانہ مہارت کا بھرپور مظاہرہ کیا۔ ایئرشو میں وزیر اعلیٰ سندھ سید مراد علی شاہ اور گورنر سندھ کامران ٹیسوری نے خصوصی شرکت کی۔
ضلع کرم میں مسافر گاڑیوں پر مسلح افراد کا حملہ، 39 افراد جاں بحق، 28 زخمی
ایئر شو کے دوران پاک فضائیہ کے پائلٹس نے اپنے لڑاکا طیاروں کے ذریعے کمال مہارت کا مظاہرہ کیا جس نے حاضرین کو محظوظ کیا۔ اس دوران پاک بحریہ کے سی کنگ، زولونائنر اور ایلوٹ ہیلی کاپٹروں نے بھی اپنی پیشہ ورانہ صلاحیتوں کا شاندار مظاہرہ کیا۔
اس کے علاوہ سی 130 طیارے سے ہزاروں فٹ کی بلندی سے فری فال پیرا جمپ پیش کیا گیا جس میں پاک فضائیہ کے پیراٹرز نے دلوں کو چھو لینے والا مظاہرہ کیا۔ پاکستان نیوی میرینز نے اسپیشل گن ڈرل اور انسداد دہشت گردی کے خلاف عملی مظاہرہ پیش کیا۔
تینوں مسلح افواج نے مشترکہ کاونٹر ٹیررازم ڈیمو بھی پیش کیا جس نے ان کی ہم آہنگی اور پیشہ ورانہ صلاحیتوں کو اجاگر کیا۔ ایئرشو کے دوران پاک فضائیہ کے جنگی طیاروں نے مختلف منوورز کا مظاہرہ کیا، جب کہ فضا میں روشنی کے گولے (فلیئرز) بھی چھوڑے گئے جس سے پورے علاقے میں ایک دلکش منظر پیش ہوا۔
وزیر اعلیٰ سندھ سید مراد علی شاہ اور گورنر سندھ کامران ٹیسوری نے اس شاندار ایئرشو کو سراہا اور اس میں شرکت کر کے مسلح افواج کی قربانیوں اور مہارت کو خراج تحسین پیش کیا۔
اس ایئرشو کا انعقاد پاکستان کی مسلح افواج کی پیشہ ورانہ صلاحیتوں، ہم آہنگی اور قوم کے دفاع میں ان کی اہمیت کو اجاگر کرتا ہے۔
