کراچی: (تشکُّر نیوز) ایڈیشنل آئی جی کراچی جاوید عالم اوڈھو کی زیر صدارت کراچی پولیس آفس میں ضمنی الیکشن کی سیکیورٹی انتظامات سے متعلق اہم اجلاس منعقد ہوا۔
اسسٹنٹ کمشنر جنرل کراچی ہاضم بھنگوار کی تبدیلی کا نوٹیفکیشن معطل
اجلاس میں زونل ڈی آئی جیز، ضلعی ایس ایس پیز اور دیگر پولیس افسران نے شرکت کی۔ اجلاس کے دوران کراچی میں ضمنی الیکشن کے انعقاد پر حفاظتی انتظامات کا تفصیلی جائزہ لیا گیا اور پولیس چیف کو افسران نے سیکیورٹی پلان پر بریفنگ دی۔
شہر میں امن و امان کے قیام کو یقینی بنانے کے لیے پولیس چیف نے خصوصی احکامات جاری کیے اور تمام تر سیکیورٹی انتظامات کو ہر ممکن طور پر فول پروف بنانے پر زور دیا۔