کراچی (تشکر نیوز) ایسٹ زون ہیڈ کوارٹر سعود آباد کمپلیکس میں ڈی آئی جی ایسٹ زون غلام اظفر مہیسر کی زیر نگرانی شمسی اسپتال اور فاطمید فاؤنڈیشن کے تعاون سے میڈیکل کیمپ کا انعقاد کیا گیا۔ کیمپ میں پولیس افسران، ملازمان اور ان کے اہل خانہ کے فری میڈیکل ٹیسٹ کیے گئے۔
صوبائی وزیر ثقافت و سیاحت سید ذوالفقار علی شاہ کا برطانوی پارلیمنٹ کا دورہ
شمسی اسپتال کے تعاون سے ہونے والے ان ٹیسٹوں میں ہیپاٹائٹس اے، بی، سی، کولیسٹرول، شوگر، بلڈ پریشر، اور آنکھوں کے ٹیسٹ شامل تھے۔ کیمپ کے دوران ڈی آئی جی ایسٹ زون سمیت ایسٹ زون کے پولیس افسران اور ملازمان نے فاطمید فاؤنڈیشن کو خون کے عطیات بھی دیے۔
ڈی آئی جی غلام اظفر مہیسر نے شمسی اسپتال اور فاطمید فاؤنڈیشن کے منتظمین کا شکریہ ادا کرتے ہوئے مستقبل میں بھی ہر قسم کے تعاون کی یقین دہانی کرائی۔
