اسرائیل کے شہر تل ابیب میں فوجی اڈے کے قریب بس اسٹاپ پر کھڑے افراد پر ایک ڈرائیور نے ٹرک چڑھا دیا، واقعے میں کم ازکم 33 افراد زخمی ہوگئے جن میں سے 6 کی حالت تشویشناک ہے۔
وزیراعلیٰ سندھ اور چینی قونصل جنرل کی ملاقات، سی پیک اور مشترکہ ترقیاتی منصوبوں پر تبادلہ خیال
الجزیرہ کے مطابق واقعہ گیلات فوجی اڈے کے قریب پیش آیا ہے جس میں اسرائیلی خفیہ تنظیم ’موساد‘ کا ہیڈکوارٹر بھی واقع ہے۔
اسرائیلی ایمرجنسی سروس اور پولیس کا کہنا ہے کہ اتوار کو شمال تل ابیب کے تجارتی مرکز میں واقع بس اسٹاپ پر کھڑے افراد پر ایک ڈرائیور نے ٹرک چڑھادیا۔ پولیس نے فوری طور پر اس بات کی تصدیق نہیں کی آیا یہ واقعہ حادثہ ہے یا حملے کا شاخسانہ ہے۔
تاہم الجزیرہ کے مطابق اسرائیلی ایمرجنسی سروسز کا کہنا ہےکہ اسرائیلی پولیس اس واقعے کو دہشت گرد حملے کے طور پر دیکھ رہی ہے۔
اسرائیلی طبی سروس نے ایک بیان میں کہا ہے کہ طبی عملے نے درجنوں افراد کو طبی امداد فراہم کی ہے، الجزیرہ کے مطابق واقعے میں 6 افراد شدید زخمی ہوگئے جبکہ 7 کو درمیانی درجے اور 20 کو معمولی چوٹیں آئی ہیں۔
واضح رہے کہ واقعہ ایسے وقت پیش آیا ہے جب عبرانی کیلنڈر کے مطابق گزشتہ سال 7 اکتوبر کو حماس کے اسرائیل پر کیے گئے حملے کی پہلی برسی منائی جارہی تھی۔