میلبورن کی مسجد میں ٹیسٹ کرکٹر محمد رضوان کے درس دینے کی ویڈیو وائرل
کئی صارفین وکٹ کیپر بیٹر کی اسلام سے محبت کو سراہا رہے ہیں
میلبورن (تشکُّر نیور اخبار ۔ 24 دسمبر 2023ء ) قومی ٹیم کے وکٹ کیپر بیٹر محمد رضوان کی میلبرن میں واقع جامع مسجد میں درس دینے کی ویڈیو وائرل ہونے لگی۔ سماجی رابطے کی سائٹ ٹوئٹر (ایکس) پر ویڈیو وائرل ہورہی ہے جس میں وکٹ کیپر بیٹر محمد رضوان مسجد کے منبر پر بیٹھ کر لوگوں کو درس دے رہے ہیں۔
ویڈیو وائرل ہونے پر کئی صارفین رضوان کو تنقید کا نشانہ بنارہے ہیں جب کہ متعدد ان کی اسلام سے محبت کو سراہا رہے ہیں
اس سے قبل سال 2022ء میں وکٹ کیپر بیٹر نے نیوزی لینڈ کی کرائسٹ چرچ مسجد میں بیان دیا تھا جس پر انہیں تنقید کا سامنا کرنا پڑا تھا۔ خیال رہے کہ 15 مارچ 2019ء نیوزی لینڈ کی کرائسٹ چرچ مسجد میں سفید فام دہشت گرد نے 51 نمازیوں کو شہید کرنے کی لائیو ویڈیو بنائی تھی۔ دوسری جانب محمد رضوان نے ورلڈ کپ کے دوران سری لنکا کیخلاف مین آف دی میچ کا ایوارڈ اسرائیلی دہشتگردی کے شکار فلسطین کے مظلوم شہریوں کے نام کیا تھا جس پر انہیں تنقید کا نشانہ بنایا گیا تھا
