تشکر نیوز: سندھ کے صوبائی وزیر ناصر حسین شاہ نے پاکستان تحریک انصاف (پی ٹی آئی) کو ملک کے مفاد میں اپنا احتجاج عارضی طور پر ختم کرنے کی درخواست کی ہے۔ شنگھائی تعاون تنظیم (SCO) کانفرنس کے موقع پر سیاسی جماعتوں کو مخاطب کرتے ہوئے ناصر حسین شاہ نے کہا کہ یہ کانفرنس ملک اور قوم کے لیے ایک بڑا اعزاز ہے اور ہمیں اس موقع پر سیاسی مفادات سے بالاتر ہو کر قومی وقار پر توجہ دینی چاہیے۔
کراچی میں مذہبی انتہا پسندی کے خلاف رواداری مارچ کی تیاریاں، پولیس کی سختی
انہوں نے مزید کہا کہ کانفرنس میں دنیا کے اہم ممالک کی قیادت شرکت کرے گی، اور ہمیں بطور مہذب قوم اپنے کردار کا مظاہرہ کرنا ہوگا۔ ناصر حسین شاہ نے سیاسی، مذہبی اور سماجی تنظیموں سے بھی درخواست کی کہ وہ اس اہم موقع پر جلسے اور احتجاجی سرگرمیوں سے گریز کریں۔
پاکستان تحریک انصاف کو مخاطب کرتے ہوئے انہوں نے کہا کہ ملکی وقار اور ترقی کی خاطر پی ٹی آئی اپنا سیاسی احتجاج کانفرنس کے بعد تک موخر کرے۔ انہوں نے مزید کہا کہ چند دن کے لیے خاموشی اختیار کرنے سے ان کی سیاست کو کوئی نقصان نہیں پہنچے گا اور اس کانفرنس کی میزبانی کسی ایک جماعت کی نہیں بلکہ پورے پاکستان کی ہے۔
آخر میں انہوں نے زور دیا کہ قوم کو متحد اور باوقار ہو کر اپنے مسائل کا حل تلاش کرنا چاہیے۔