کراچی ائیرپورٹ کے قریب ہونے والے دھماکے کے بعد تفتیشی حکام نے خاتون سمیت 9 مشتبہ افراد کو حراست میں لے لیا۔ حکام کا کہنا ہے کہ جائے وقوعہ سے ملنے والے شواہد کو فارنزک تجزیے کے لیے بھیج دیا گیا ہے، اور علاقے کی جیو فینسنگ مکمل کرکے 6 مشکوک نمبروں کا ڈیٹا حاصل کر لیا گیا ہے۔
ضلع کیماڑی: موچکو پولیس کی کامیاب کارروائی، بلوچستان سے کراچی منشیات اسمگلنگ کی کوشش ناکام
تحقیقات سے یہ بھی معلوم ہوا ہے کہ حملہ آور کے پاس دھماکے کے وقت موبائل فون موجود نہیں تھا، جبکہ دھماکے میں استعمال ہونے والی گاڑی کا روٹ بھی ٹریس کر لیا گیا ہے۔ حملہ آور دھماکے سے پہلے بھی ائیرپورٹ سگنل سے گزرا تھا۔
حکام کے مطابق، حملے سے متاثر ہونے والی 16 گاڑیوں کی تفصیلات جمع کر لی گئی ہیں اور کرائم سین جلد کلیئر کیا جائے گا، تاہم واقعے کا مقدمہ ابھی تک درج نہیں کیا گیا۔ یاد رہے کہ 6 اکتوبر کی رات ائیرپورٹ کے قریب ایک خودکش حملے میں دو چینی شہریوں سمیت تین افراد ہلاک ہو گئے تھے۔
