تشکر نیوز: آئی ایم ایف کے ایگزیکٹو بورڈ نے پاکستان کے لیے توسیعی فنڈ سہولت کے تحت 7 ارب ڈالر کی منظوری دے دی ہے۔ اس فیصلے کے تحت پاکستان کو فوری طور پر تقریباً 1 ارب ڈالر کی قسط جاری کی گئی ہے۔ یہ نیا قرض پروگرام 37 ماہ پر مشتمل ہے اور اس کا مقصد پاکستان میں معاشی استحکام کو بحال کرنا ہے۔
محکمہ انسداد دہشت گردی سندھ کا انٹیلجنس بیسڈ آپریشن: غیر قانونی اسلحہ برآمد، ملزم گرفتار
آئی ایم ایف کے مطابق، پاکستان کی معاشی شرح نمو 2.4 فیصد تک پہنچ چکی ہے، جبکہ افراط زر میں بھی کمی واقع ہوئی ہے۔ تاہم، ملک کو اب بھی کئی بڑے چیلنجز کا سامنا ہے، جن میں مشکل کاروباری ماحول، کمزور حکمرانی، اور محدود ٹیکس بیس شامل ہیں۔
نئے قرض پروگرام کا ہدف میکرو اکنامک استحکام کی بحالی کے ساتھ ساتھ سرکاری اداروں کی اصلاحات اور عوامی خدمات کی فراہمی میں بہتری ہے۔ آئی ایم ایف نے بنیادی ڈھانچے کی ترقی اور موسمیاتی تبدیلیوں کے اثرات کا مقابلہ کرنے پر بھی توجہ مرکوز کرنے کی ضرورت پر زور دیا ہے۔ اس پروگرام کی کامیابی کے لیے ترقیاتی شراکت داروں کی مسلسل مالی معاونت بہت اہم ہوگی۔