تشکر نیوز: وفاقی حکومت نے روس کے تعاون سے کراچی میں نئی اسٹیل ملز قائم کرنے کا منصوبہ تیار کرلیا ہے۔ ذرائع کے مطابق، اس نئے منصوبے کے لیے سات سو ایکڑ اراضی مختص کردی گئی ہے، جو کہ پاکستان اسٹیل ملز کی موجودہ اراضی پر قائم کی جائے گی۔
چیئرمین نیو کراچی ٹاؤن محمد یوسف کی کوششیں: سیوریج کے مسائل کا حل قریب
پاکستان اسٹیل ملز کی موجودہ اراضی پر نئی اسٹیل ملز کے قیام کی تجویز زیر غور ہے۔ روس کے نائب وزیر صنعت و تجارت اور پاکستان کے وزیر صنعت نے اس منصوبے پر اتفاق کرلیا ہے۔ روسی نائب وزیر صنعت و پیداوار نے بھی اس تجویز کو اپنی حکومت میں اعلی سطح پر پیش کرنے پر اتفاق کیا ہے۔
واضح رہے کہ پاکستان اسٹیل ملز جون 2015 سے بند ہے، اور نئی اسٹیل ملز کے قیام سے اس پسماندہ صنعت کو دوبارہ فعال کرنے کی کوشش کی جائے گی۔