تشکر نیوز: ڈی آئی جی ایسٹ زون غلام اظفر مہیسر نے اپنے دفتر میں کراچی الیکٹرانک ڈیلرز ایسوسی ایشن کے وفد سے ملاقات کی، جس کی قیادت رضوان عرفان کر رہے تھے۔ اس ملاقات میں ضلع ایسٹ، ملیر، اور کورنگی کی الیکٹرانکس اور موبائل مارکیٹوں کے عہدے داروں نے شرکت کی۔
کراچی میں پیٹرولیم مصنوعات کی قیمتوں میں کمی کے باوجود کرایے کم نہ ہو سکے
ملاقات کے دوران، الیکٹرانکس اور موبائل مارکیٹ کے عہدے داروں نے اپنے سیکورٹی مسائل ڈی آئی جی ایسٹ زون کے سامنے رکھے۔ ڈی آئی جی ایسٹ زون نے ڈی ایس پی آپریشن ایسٹ زون محمد حنیف کو ان مسائل کے حل کے لیے فوکل پرسن مقرر کیا اور ہدایت کی کہ ایسٹ زون کے پولیس افسران عہدے داروں کی شکایات پر فوری قانونی کارروائی کریں گے۔
ڈی آئی جی ایسٹ زون نے مزید ہدایت دی کہ ایسٹ زون کے تمام ایس ایچ اوز اپنے علاقوں میں مارکیٹ کے عہدے داروں سے مسلسل رابطے میں رہیں گے۔ اس کے علاوہ، الیکٹرانکس اور موبائل مارکیٹوں کے اطراف موبائل پیٹرولنگ اور شاہین فورس کے جوان خصوصی طور پر گشت کریں گے۔
ڈی آئی جی ایسٹ زون نے عہدے داروں کو یقین دلایا کہ پولیس موبائل ڈیلرز اور الیکٹرانک ڈیلرز ایسوسی ایشن کے تعاون سے تمام مسائل کا حل نکالے گی۔ الیکٹرانک مارکیٹ کے صدر رضوان عرفان اور دیگر عہدے داروں نے ڈی آئی جی ایسٹ کے تعاون پر ان کا شکریہ ادا کیا۔