کراچی: ایڈیشنل آئی جی کراچی جاوید عالم اوڈھو اور ڈی آئی جی ٹریفک احمد نواز چیمہ کی ہدایات پر، ٹریفک پولیس نے شہر بھر میں ایک بڑا کریک ڈاؤن شروع کر دیا ہے۔ اس کارروائی میں فینسی اور جعلی نمبر پلیٹس، اور ٹینٹڈ گلاسز کے خلاف کارروائی شامل ہے۔
ڈسٹرکٹ ساؤتھ میں ٹریفک پولیس نے ناکے لگا کر گاڑیوں کی چیکنگ شروع کر دی ہے، اور پرائیویٹ گاڑیوں پر سرکاری نمبر پلیٹ استعمال کرنے والوں کے خلاف بھی سخت کارروائی کی جا رہی ہے۔
کارروائی کے دوران درجنوں گاڑیوں سے نمبر پلیٹس اتار لی گئی ہیں اور متعدد پرائیویٹ گاڑیوں سے سرکاری نمبر پلیٹس بھی قبضے میں لی گئی ہیں۔ قانون کی خلاف ورزی کرنے والوں کے خلاف قانونی کارروائی کی جا رہی ہے اور چالان بھی کیے جا رہے ہیں۔
ڈسٹرکٹ ساؤتھ کے مختلف علاقوں میں ٹریفک پولیس کی چیکنگ کا عمل جاری ہے، اور اس اقدام کا مقصد ٹریفک قوانین کے نفاذ کو یقینی بنانا ہے۔